Խաղաղության պայմանագրի ստորագրումը հնարավոր է, սակայն Ալիևը
կարող է նաև ամեն ինչ անել՝ խուսափելու համար դրա ստորագրումից, գոնե մինչև աշուն։
«Ամեն ինչ կախված է նրանից, թե Միացյալ նահանգները ինչքան ճնշում կգործադրի Ալիևի վրա։
Մենք արդեն ունենք նախադեպ, երբ ԱՄՆ ճնշումով Ադրբեջանը սահմանազատման հարցում գնաց
փոխզիջումների ու ընդունեց Ալմա Աթիի հռչակագիրը որպես հիմք ընդունել։ Այս մասին
Civic.am-ի եթերում ասաց քաղաքագետ Հրայր Մանուկյանը։ Միաժամանակ՝ հնարավոր է նաև,
որ Միացյալ նահանգները չգնա ճնշումներ գործադրելու ուղով, թողնի ինքնուրույն Ադրբեջանին
և Հայաստանին, որի դեպքում Ալիևը կարողանա խուսափել խաղաղության պայմանագրի ստորագրումից։
Մանուկյանի կարծիքով շատ բան է կախված ԱՄՆ ընտրություններից։
Միաժամանակ՝ Եվրոպայում՝ մասնավորապես Ֆրանսիայում ընտրությունների արդյունքները չեն
ազդի հայ-ֆրանսիական հարաբերությունների վրա։ «Միացյալ նահանգների դեպքում վիճակն ավելի
անկանխատեսելի է, եթե Թրամփը ընտրվի։ Չնայած, կարծում եմ, միևնույնն է նա չի կարողանա
շատ փոխել ԱՄՆ արտաքին քաղաքական կուրսը»։
Ալիևի առաջարկը՝ նախաստորագրել
հիմնական սկզբունքների շուրջ ինչ-որ համաձայնագիր, ըստ Մանուկյանի, պետք է մերժել,
քանի որ դա Միացյալ նահանգների ընտրություններից առաջ դեմոկրատներին ինչ-որ բան տալու
համար է ու խուսափելու՝ համապարփակ խաղաղության պայմանագիր կնքելու ճանապարհ։
Մանրամասն՝ տեսանյութում
Վովա Հակոբյան
